Chalo Ek Diya Jalaayein!!!!

diwali-115a

चलो एक दीया जलायें

Chalo ek diya jalaayein, andar ke andhere ko bhagayein
Chalo kisi ke dard ko apnaayein,
kisi ke gamon ko door bhagayein
Chalo sajde mein haath uthayen
Na jhukne dein kisi ka sar,
bas bhagwan ke darbar mein sheersh jhukayein
Pichhle klesh ko roshni se mitayen
Haathon ko jod bhagwan ko ghar bulaayein
Chalo aaj ek diya jalaayein…………..

Ganesh ki hai virat kaya, Lakshmi ki hai hum par maya
Charo or ujala chhaya
Ram padhare Ayodhya aur charo or khushhali hi khushhali chhaya
Kahin nahi hai ab bura saya
Shradhaluon ne hai Ganpati ka gur Gaya,
Lakshmi deti vardan aur ghar ki chaukhat par hai Labh aaya
Chalo ab Dhoom Dham se Diwali Manayein
Chalo aaj ek diya Jalaayein………

Ghar ghar hai roshan, rangoliyon se saji hai chaukhat
Is din mein mann mein nahi hai koi milavat
Aao ek ho kar manaye jaise ho aaj koi daavat
Khelo, koodo, jashn manao, karo achhi achhi sajavat
Aaj Patakho ke awaaz mein milti hai raahat
Bas sukh aur shanti bani rahe isi ki hai bas chahat
Chalo phir mil jul ke is din ko manayein
Chalo aaj ek diya jalaayein………….

Bazaar aaj hai bhara bhara
Dukaanon mein hai raunak aur patakhon ki dukan par hai grahak khara
Koi khareedta anaar, to koi hai leta rocket,
Nana prakar ke pathakon se hain basta bhara
Aaj hai burai par achhai ki jeet ka jashn
Aur mahaul hai khushnuma zara zara
Chalo mil jul kar is din ko manayein
Chalo Ganesh Lakshmi ko ghar laayein
Chalo Bhoot Chaturdashi pe bhoot bhagayein
Chalo aaj ek Diya jalaayein……………

Aaj na hindu, na muslim, na hi isayi ya sikh mein pench ladana hai
Aaj to milke jashn manane  ka ek bahana hai
Andar dabe buraiyyon ko aaj to humein jalana hai
Aaj Diwali par bhetein sunta hoon to lagta koi fasana hai
Inflation ke din mein saste bum mano guzra zamana hai
Phir bhi aaj to tai hai ki phooljhari to jalana hai
Aaj ek baar chakkarghinni to ghumana hai
Tabhi to kehta hoon aao mil jul kar tyohar manayein

Chalo aaj ek Diya jalayein…………
Chalo aaj ek Diya Jalayein

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this:
search previous next tag category expand menu location phone mail time cart zoom edit close